Aproveitando que estades a visitar todos os cursos o planetario móbil instalado temporalmente no colexio, dende a biblioteca propoñémosvos a lectura duns contos moi interesantes para o segundo e terceiro ciclo de Primaria.
Trátase de "Contos de estrelas": unha recompilación de trece historias relacionadas coa astronomía procedentes de distintas culturas: Inca, Maia, Grega, Azteca, Árabe, Romana, Cubea... Ademais cada historia vén acompañada dunha explicación científica do fenómeno astronómico do que se fala no conto.
"Contos de estrelas" está ilustrado por María Vidal e editado por Rosa María Ros que é a coordinadora do proxecto educativo da Unión Europea UNAWE- Explora o Universo. Este proxecto internacional é unha iniciativa para espertar nos nenos e nenas o interese pola ciencia a través da observación das marabillas do universo e que tomen conciencia de que eles forman parte do cosmos e de que teñen todo un mundo por explorar.
A web inclúe outros volumes traducidos ao galego que son os seguintes.
(Clicade nas imaxes para descargalos en PDF)
A web da UNAWE- Explora o Universo tamén inclúe animacións, xogos, simulacións interactivas, galerías fotográficas e adiviñas. Aí vaivos unha:
"Din que son rei e non teño reino; din que son louro e non teño pelo; din que ando e non me meneo; e movo reloxos sen ser reloxeiro"
Deixamósvos pensando na resposta!
No hay comentarios:
Publicar un comentario