viernes, 12 de enero de 2018

Pensando coas palabras


Comeza de novo o xogo... Estas son as regras:
  • Teredes que  xogar coas palabras: adiviñas, trabalinguas, poemas, comics, creacións literarias...
  • Poderedes usar as ferramentas que queirades, dixitais ou analóxicas.
  • Poderedes elixir os vosos compañeiros no xogo: por niveis ou individualmente.
  • O traballo gravarase en vídeo.

A visita dos mini-bibliotecarios para elixir aos gañadores será o 16 de marzo, e a finais do trimestre serán entregados os "Premios Cervantes" ás mellores creacións de cada nivel.

Este trimestre será tamén o momento de compartir o traballo feito o trimestre pasado. Estade atentos aos vosos correos.

jueves, 21 de diciembre de 2017

Global Muiñeira: #Séteimudo


Valentes, apaixonados, entusiastas... pero sobre todo teimudos! A iso non hai quen lles gañe. Así son os nosos Minis. O mellor da nosa biblioteca sen dúbida algunha. Deles é o futuro.


Cos nosos mellores desexos para o ano 2018 ao son dunha muiñeira!!

miércoles, 20 de diciembre de 2017

Entrega de insignias do premio Pitágoras

Hoxe, durante o proxecto lector, viñeron os representantes de cada aula gañadora do premio Pitágoras para recibir a insignia que os certifica como os mellores "matemáticos" do cole. Parabéns rapaces!



martes, 19 de diciembre de 2017

Premio Pitágoras: 5º e 6º EP

Os gañadores do Brozo-reto de de 5º nivel, elixidos polo xurado formado por Mini-bibliotecarios,  foron os alumnos e alumnas de 5ºC cos seus traballos en realidade virtual co programa CoSpaces. Sorprendeu moito o traballo de Ariadna García que creou unha réplica da súa aula con todos os seus compañeiros e propuxo un xogo de pistas para adiviñar o nome dun famoso matemático. 


E por último os gañadores do Premio Pitágoras en 6º nivel foron os traballos presentados conxuntamente polas aulas A, C, D e E de diversos retos matemáticos feitos manualmente: Labirinto Preguntón, Boom Matemático, A Oca Matemática, A Cidade Cilíndrica, O Ollo Matemático, A Ruleta do Tempo, Verdade ou Mentira, Mini Biblioteca PdB, Xeroglífico Matemático...



O resto dos retos presentados nestes niveis podedes visualizalos na nosa canle de YouTube: "Retos Matemáticos". Noroboa a tod@s por participar e sobre todo parabéns aos gañadores!!

Premio Pitágoras: 3º e 4º nivel EP

Nestes niveis a decisión do xurado de Mini-bibliotecarios foi máis doada de tomar. Os dous niveis presentaron un reto conxunto no que participaron todas as aulas.

En 3º fixeron unha gymkana matemática con diversos xogos onde participou todo o alumnado: Tangram, Memory, Cinquillo, Táboa Numérica, Labirinto Minecraft, Kahoot Matemático, Depresores e Xeoplano de Figuras.



En 4º organizaron un Escape Room no que o alumnado de cada aula tiña que resolver unha serie de enigmas para abrir a porta da clase e rescatar a Mortadelo. Botade unha ollada ao vídeo:


Parabéns a tod@s!!

Premio Pitágoras: 1º e 2º nivel EP

Onte os nosos Mini-bliotecarios tiveron unha difícil misión: elixir aos gañadores do Premio Pitágoras do primer Brozo-reto do trimestre "Pensando coas Mates". A decisión foi un pouco complicada e difícil pero ao final houbo consenso!! Os mellores "matemáticos" son...



"Robocarreira PdB"- 1º A



"Enigma Matemático"- 2ºE

O resto dos retos presentados podédelos visualizar no canle de YouTube da biblioteca: "Retos Matemáticos". Grazas a todos por participar e parabéns aos gañadores!!

Premio Pitágoras: Educación Infantil

Por fin temos gañadores!! Os mellores "matemáticos" son...





"Multirretos matemáticos"- 6º nivel

lunes, 18 de diciembre de 2017

Recomendacións Nadal 2017

Nadal é unha época na que deixamos algo máis de liberdade aos peques e estes deixan de lado as tarefas escolares... pero habendo tanto tempo para o lecer, terán tamén moito tempo para ler. Por iso recomendámosvos unha serie de libros fantásticos para poder pedirlle algún a Papá Noel.


viernes, 15 de diciembre de 2017

Pensando coas Mates: Premio Pitágoras

Todo preparado para que o luns 18 un equipo formado por Mini-bibliotecarios visite todas as aulas do centro e decida os gañadores de cada nivel do primeiro Brozo-reto do trimestre "Pensando coas Mates".
A todos os participantes entregaráselles unha insignia de participación e aos gañadores outra co Premio Pitágoras. Terán que colocalas no panel de Brozo-retos trimestrais ubicado na entrada da biblioteca.


Algúns dos traballos que nos van chegando están gravados en vídeo. Se queredes visualizalos, botade unha ollada á nosa canle de YouTube da biblioteca: "Retos Matemáticos"


jueves, 14 de diciembre de 2017

Mellores lectores de novembro

Aquí están os seis super lectores do pasado mes. Onte tivo lugar na biblioteca a tradicional entrega de premios rodeados dun ambiente típico do Nadal.
Noraboa a tod@s pola vosa constancia, gusto e entusiasmo pola lectura.
.

miércoles, 6 de diciembre de 2017

A Hora do Código en imaxes

Aquí tedes as imaxes de como transcurreu A Hora do Código no noso cole cos distintos programas. A semana do código foi curta pero intensa!!


Ao rematar a xornada, todo o alumnado levou un diploma e un adhesivo que certifica a súa participación na Hora do Código. Os diplomas foron enviados aos seus enderezos electrónicos.