martes, 14 de noviembre de 2017

Semana da Robótica


Do 17 ao 24 de novembro celébrase no mundo enteiro a Semana dos Robots co obxectivo de promocionar os avances tecnolóxicos no mundo dos robots e a programación.
Nós non podíamos faltar xa que temos a nosa Revolución Robótica nos corredores de 1º EP, así que xa temos creado e inscrito o noso EVENTO ROBÓTICO na ERW2017 (European Robotics Week).

Experimentaremos coa app Bee-Bot para descubrir como seguir unha secuencia de comandos que nos permitan mover o noso robot ata chegar ao noso obxectivo, usando a famosa técnica do ensaio-error: se un paso non nos funciona, volveremos tentalo ata conseguir pasar o reto e acadar estrelas como recompensa.
A botoeira dos Bee-Bots é igualiña á dos nosos Escornabots porque son curmáns!!! Seguro que será moi facil coa de práctica que xa temos.
Moita sorte, pequechos!!

miércoles, 8 de noviembre de 2017

English Fnatics Club

Xa temos nome para o noso English Club... Estamos encantados de como está a funcionar esta experiencia nova na biblioteca. O noso auxiliar Sisto está resultando unha gran fichaxe: dunha forma distendida e divertida, os nosos nenos e nenas de 6º de Primaria están a mellorar o seu inglés oral nos proxectos lectores na biblioteca. Sisto é quen de crear unha atmosfera acolledora onde ninguén ten medo de equivocarse.
Acabarán sendo uns expertos en Hedbanz, Scrabble ou Who is who? e reforzando as súas habilidades comunicativas.
Moitas grazas, Sisto!!!



lunes, 6 de noviembre de 2017

Novidades: libros de robots, robótica e programación


As novidades recentemente chegadas á biblioteca son recomendacións de ficción e non ficción pero sempre coa mirada posta no mundo dos robots, a robótica e a programación: divertidas historias de aventuras de robots, guías visuais e manuais de programación...

jueves, 2 de noviembre de 2017

Mellores lectores do mes de outubro


Comezamos un ano máis a xuntar nun cadro de honra aos mellores lectores e lectoras de cada mes, un por nivel. Hoxe viñeron buscar o seu agasallo á biblioteca os ávidos lectores Hugo, Natalia, Andrea, Marta, Claudia e Yeray. 
Parabéns a tod@s ... e xa sabedes... a seguir lendo!

lunes, 30 de octubre de 2017

Un Samaín de terror e libros!

Estamos  nunha época do ano que nos encanta: o Samaín! Ao contrario do que moitos pensan, esta festividade non é exclusiva das culturas anglosaxonas, senón esta coma outras culturas a tomaron emprestada dos celtas. Si, si... dos nosos ancestros!!


As historias de medo e terror xa invadiron a nosa biblioteca... Hai Samaín para todas as idades e para todos os medos. Botádelles un ollo!


Tamén podedes visitar as nosas guías de lectura en Pinterest onde atoparedes moitos libros terroríficos e misteriosos, de monstros, de bruxas... 



viernes, 27 de octubre de 2017

Chegaron os escornabots

Chegaron xa... dereitiños dende Sisalde... porque a Brociños non se lle ocorreu mellor data que o Día das Bibliotecas Escolares para agasallar aos rapaces de 1º cun contacontos e un escornabot. Por fin coñecemos a divertida historia de Wendel, o novo habitante da fraga de Arteixo, e as que lea cos robots. Aprenderon, co panel do conto, a mover os escornabots. Canta emoción xunta!! 
Polo corredor de 1º non se fala doutra cousa... a Revolución Robótica xa chegou á  biblioteca!!





miércoles, 25 de octubre de 2017

Día da Biblioteca en imaxes

Aquí tedes as imaxes de como foi a xornada da celebración do Día das Bibliotecas.

"O home que descubriu a Terra" 



"Para que serve un libro?"



Grazas a tod@s pola vosa implicación e participación, especialmente aos nosos mini-bibliotecarios.

martes, 24 de octubre de 2017

Comeza o xogo : Pensando coas Mates


Como xa vos contamos, este ano imos pensar na biblioteca... E que mellor que empezar pensando números e matemáticas? As matemáticas son fundamentais para o desenvolvemento: Permítennos chegar a ser pensadores independientes porque nos proporcionan habilidades que utilizaremos en todas as materias e desenvolven o pensamento lóxico que nos axudará en todos os aspectos da vida.

O noso primeiro reto será Pensando coas Mates: enigmas, xeroglíficos, sudokus, labirintos... O noso obxectivo é gravar un vídeo co que fagades.
Xa sabedes que nos gusta que traballedes en equipo pero tamén nos gustan os que traballan sós. Calquera ferramenta ou material será apropiado porque tedes toda a liberdade do mundo para pensar, imaxinar e crear.

A data para ter o voso proxecto rematado será o 11 de decembro cando escolleremos os mellores "matemáticos" do cole.

viernes, 20 de octubre de 2017

Novos usuarios na biblio

Os alumnos de 1º e 2º nivel xa recibiron a súa formación inicial. Todas as aulas foron convidadas á biblioteca para recibir a benvida do noso moucho Brociños.
Alí localizaron os libros dos primeiros lectores, os informativos, os comics, as revistas, os iPads, os ordenadores... 


Como Brociños quere que os nenos e nenas do noso cole lean moito, trouxo o conto "A estrela de Laura" para que as profes encargadas da biblio o contaran.
Ademais, tamén repartiu agasallos: o Broci-colgante para o alumnado de 1º e o Broci- chaveiro para os de 2º para que lles axude a convertirse en grandes lectores. Moitos ánimos para tod@s!


jueves, 19 de octubre de 2017

Día das Bibliotecas Escolares 2017


Como todos os anos presentaremos o noso proxecto anual "Pensando dende a biblioteca" no Día das Bibliotecas Escolares. Para os días 23 e 24 temos programadas varias actividades con contos que non vos podedes perder.

Os nenos e nenas de Infantil e 2º de Primaria terán que pensar para que serve un libro. Unha pregunta con moitas respostas posibles, verdade? Para iso os nosos Mini-bibliotecarios serán os encargados de contarvos primeiro o conto da autora Chloé Legeay que está ilustrado con todo detalle e moito humor, durante o proxecto lector e nas distintas aulas o vindeiro martes 24 de outubro.


O alumnado de 1º de Primaria, como este ano iníciase na robótica, coñecerá ao rato Wendel o inventor.  Que dea comezo a batalla robótica!


O alumnado de 3º, 4º, 5º e 6º de Primaria viaxará a Exipto para coñecer a incrible historia de Eratóstenes, un famoso matemático que hai dous milenios chegou á conclusión de que a terra non era plana e infinita senón que era redonda. Como se daría conta disto hai máis de 2000 anos? Pronto o saberedes...
O conto interactivo chámase "O home que descubriu a Terra"  da app Blue Planet Tales.

miércoles, 18 de octubre de 2017

Wendel e os robots: comeza a batalla robótica!

Que mellor maneira de festexar o Día das Bibliotecas Escolares que cunha carta de Brociños!! Parece ser que a Sisalde acaba de chegar un novo veciño: chámase Wendel e é un rato de campo e resulta que é inventor. Fai pouco dedicouse a facer robots, capaces de realizar moitas actividades pero a cousa rematou mal... Montou unha boa na fraga, xa veredes, xa....
A carta vén con 5 caixiñas misteriosas para os nenos e nenas de 1º nivel, e nós poderemos abrilas cando veñades á biblioteca. Xa nos estades tardando!!