Feira do Libro Solidario en Ponte dos Brozos

Todos os nenos e nenas tedes na casa libros que xa non ledes, ben porque vos aburriron ou porque vos "quedaron pequenos" pero ainda son libros en bo estado. Por iso, dende a biblioteca queremos celebrar o 23 de Abril,  Día do Libro, na súa versión máis solidaria.

Ata o día 20 de abril podedes traer libros que xa non usedes da casa e depositalos nos postos habilitados en cada pavillón do colexio. O equipo de Biblioteca encargarase de organizalos.

O día 23 de abril terá lugar no centro a Feira do Libro Solidario onde para poder levar  un libro "novo", teredes que intercambialo por un quilo de alimentos non perecedeiros.

Todos os alimentos recollidos serán entregados a Cáritas de Arteixo. 
Deste xeito, todos sairemos gañando!!