Onte visitaron a Aula de Contos de Infantil Patricia e o músico Alex para compartir con todos os nosos peques algúns contos da editorial Kalandraka: Sacapenas, Once Damas atrevidas e Tío Lobo.
Que ben o pasamos cos contos de Patricia e que ben soaba o acordeón de Alex! Ao finalizar as sesións, estes dous magníficos contadores de contos inauguraron o noso canto de persoeiros da Aula de Contos deixándonos unha dedicatoria.
Tamén nos agasallaron cun "sacapenas" para cada aula (pequenos bonecos feitos de madeira, tea e fío, orixinarios de Guatemala) para que os máis pequenos lles conten as súas preocupacións e así poder superar os seus medos.
Moitas grazas pola visita, Patricia e Alex!!
No hay comentarios:
Publicar un comentario