Cansos de clases interminables e libros de texto aburridos? Quen dixo que aprender Historia non sexa divertido? Preparádevos para a diversión con estes libros recentemente chegados á biblioteca.
"La loca Historia de la Humanidad" é un divertido repaso pola historia do ser humano cunha mestura de humor, pasatempos, curiosidades e explicacións sinxelas e amenas para pasalo en grande. E neste percorrido pola historia acompañaranvos os Tempo, a familia máis aloucada e aventureira de todos os tempos!
No primeiro libro descubridedes 25 emocionantes e divertidos relatos cos que vos transportarán aos acontecementos máis importantes da Historia Universal, desde o Paleolítico ata a Idade Contemporánea. Unha emocionante viaxe a través do tempo.
Non segundo atoparedes 25 contos, 25 aventuras, 25 épocas que descubrir... Nobres cabaleiros medievais, pantasmas andalusís, heroes da Antigüidade e mozos modernos con ganas de cambio levaranvos a coñecer, a través de emocionantes e divertidos relatos, os acontecementos máis importantes da Historia de España.
O terceiro libro presenta, de forma amena pero moi rigorosa, aos pensadores, científicos, artistas e inventores que cambiaron a historia do mundo.
Descubride as súas excéntricas, divertidas e apaixonantes vidas en só 25 historias!
No hay comentarios:
Publicar un comentario