"Cuerdas": conto interactivo musical para iPad

"Cuerdas" é o primeiro conto interactivo da colección Suite Son para iPad, baseada na obra da artista Teresa Tomás.

O conto narra as aventuras dun can moi especial, metade violín metade guitarra eléctrica, enganchado por un pentagrama e que loita por liberarse para irse de aventuras cos seus amigos: un paxaro chamado Vento e unha ra chamada Percusión. Para iso, necesitará a axuda da árbore Llorón, cuxas ramas son as bágoas que caen da gran cantidade de ollos que cobren o seu madeiro.

A música é a protagonista desta historia que vai acompañada de 12 xogos de vocabulario e traballa conceptos como o compañeirismo, a empatía, a liberdade ou a solidariedade con grandes animacións e interaccións.

Unha colección de xogos nos que poderedes:

• Tocar música nunha escala de cordas dixitais.
• Identificar formas na natureza.
• Expresar estados de ánimo como triste, sorprendido, enfadado, bromista ou chorón.
• Aprender a contar.
• Coñecer as especies animais e as familias musicais.
• Descubrir tesouros en lugares remotos.
• Establecer parentescos entre pai, nai, fillos, irmáns e avós.
• Cantar en karaoke a canción do conto.
• Memorizar personaxes.
• etc

Dende Suite Son anúnciannos que pronto coñeceremos os amigos de Cuerdas: Vento e Percusión, o paxaro e a ra protagonistas dos novos contos desta serie.

De momento... gozade con Cuerdas!