Lecturas de osos na literatura infantil

Seguro que tod@s tivestes nalgún momento da vosa vida un osiño de peluche, compañeiro de mil batallas. O nome inglés "Teddy bear" (oso Teddy) provén de Theodore Roosevelt, presidente de Estados Unidos entre 1901 e 1909, quen rexeitou disparar a un oso nunha ocasión que fixo unha viaxe ao sur do país. Vouvos contar como sucedeu: Resulta que para entreter o presidente, os seus anfitrións organizaron unha cazaría e capturaron un oso vello, ferido e canso. Atárono a unha árbore para que o presidente lle disparase e tivese un trofeo "doado" que levar á casa. Roosevelt negouse a facelo e esta historia cruzou os Estados Unidos de norte a sur. Un vendedor de xoguetes chamado Morris Michton inspirado por esta historia decidiu coser un boneco: un rudimentario osiño de felpa con botóns nos ollos. Acababa de nacer o rei dos xoguetes.

O primeiro oso da literatura infantil foi Winnie the Pooh, pero outros moitos seguíronlle... Aquí tedes unha selección de lecturas de osos que habitan nos nosos estantes da biblio.

Follow bibliobrozos's board Cuentos de osos on Pinterest.

Pero o osiño máis famoso deste momento é Paddington, o oso 100% British creado por Michael Bond que sempre vai ataviado co seu chuvasqueiro azul e gorro vermello. O libro "Nuevas aventuras de Paddington" xa o podedes encontrar entre as nosas novidades.

Paddington converteuse hai anos nunha das iconas clásicas da cultura británica e por primeira vez salta das páxinas de papel á gran pantalla.

A película producida por David Heyman, produtor de Harry Potter e protagonizada por estrelas coñecidas como Nicole Kidman, está a ser todo un éxito en carteleira dende a súa estrea.

Se aínda non a vistes, podedes ver aquí o tráiler da película ou visitar a páxina oficial Paddington onde encontraredes moita información sobre a historia, libros, a película, noticias...