O Universo de Contos deste mes tróuxonos a historia de dous hipopótamos que tiñan un mesmo soño: chegar de primeiros á lúa. Pero que diferentes eran! Hércules Waldorf-Franklin III era un tipo moi rico, presuntuoso e prepotente. Sheila tiña moita iniciativa, vontade e unha man chea de amigos (que é un dos maiores tesouros da vida).
Foi un conto de dúas naves espaciais, dous traxes lunares, un meteorito, algún que outro segredo de Brociños pero sobre todo de moitas risas á biblioteca... É o que teñen os pedos... que nos fan rir a gargalladas.
Non esquezades mirar á lúa nunha noite clara. Seguro que Hércules Waldorf Franklin III ainda anda por aí arriba moi enfadado.
E lembrade que sempre é importante ter GRANDES SOÑOS e pelexar para que se fagan realidade.
No hay comentarios:
Publicar un comentario