A vindeira semana abrimos de novo as portas compartindo con tod@s vós o novo lema das Bibliotecas Escolares para este ano: "Biblioteca escolar - Territorio das Artes". Nesta ocasión foi a ilustradora Minia Regos a creadora convidada a interpretar o lema anual.
Biblioteca escolar, Territorio das Artes convida a explorar fórmulas para espertar nos lectores e nas lectoras o interese por achegarse e apreciar os produtos artísticos, pero sobre todo a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos).
A imaxe creada por Minia Regos garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar. Convidámosvos a descubrir o último vídeo de Agustín Fernández Paz para as Bibliotecas Escolares dentro deste cartel a través da aplicación Aurasma de Realidade Aumentada.
Algo estase xa a cocer nesta biblioteca sobre as Artes... Estade atentos...
No hay comentarios:
Publicar un comentario