Xogo de Códigos

Un xogo que vale un PREMIO NACIONAL DE EDUCACIÓN. E este premio ten tres nomes propios: Begoña Codesal, Aurora Jove e Luz Pérez... Elas queren que os nosos nenos e nenas aprendan a programar para expresarse, para comprender mellor os contidos científicos e tecnolóxicos, para perder o medo a crear e compartir e para que todos teñan as mesmas oportunidades de acceder a unha alfabetización propia do século XXI.

Con elas prográmase para aprender, para adquirir habilidades e competencias moi importantes para a vida dos pequenos e pequenas codificadores: aprendendo a descompoñer problemas grandes e complexos en outros máis pequenos, a ter unha mente máis lóxica, a desenvolver o pensamento abstracto e computacional, a estimular capacidades verbais e traballo colaborativo... pero sobre todo a fomentar a creatividade, xa que sabendo codificar serán quen de xerar os seus propios contidos dixitais.

Dende a biblioteca queremos darlles as grazas por compartir con nós o seu entusiasmo e a súa capacidade de traballo e, como non, aos mentores e todos os nenos e nenas que asisten ao clube de código no recreo. 
Non queremos rematar esta entrada sen falar tamén de alguén que está sempre na sombra pero sen o que ningún proxecto do noso centro sairía adiante: o noso coordinador TIC Fernando Moreno. 

É unha honra  traballar aquí. Parabéns!!!!