InvestigArte: exposición itinerante da Fundación Barrié

Chega ao noso centro unha interesante exposición itinerante da Fundación EducaBarrié que pretende aunar ciencia e arte a través da fotografía.
Poderédela visitar durante as horas asignadas de biblioteca de cada aula do 9 ao 19 de decembro. Tamén estará aberta en horario de tarde para as familias (16:30-18:00) 

Esta exposición intenta demostrar que, por incrible que pareza, ciencia e arte teñen máis elementos comúns que diverxentes. Aínda que perseguen obxectivos dispares ambas as dúas baséanse na experimentación, a observación e a búsqueda de novas ideas que rompan co anterior abrindo fronteiras. Non é esaxerado dicir que a arte necesitou moita ciencia para conseguir producir retratos, ilusións, sensacións. Á súa vez, a ciencia necesitou de moita creatividade e imaxinación para buscar a solución a problemas aparentemente irresolubles.

O obxectivo de InvestigArte é precisamente este, indagar nos puntos comúns de ciencia e arte e dalos a coñecer aos interesados en ambas as dúas disciplinas.

Os moitos misterios da creación e a natureza son presentados grazas a unha coidada e orixinal combinación de distintos efectos e técnicas artísticas e pictóricas. Investigadores, universitarios e rapaces deixan latente nesta exposición a necesidade de integrar estas dúas disciplinas.

Mosaico de neuronas, a vida en 4D, a tecnoloxía dos sonos, cicloxénesis ou raios de sol son algunhas das sorpresas que vos esperan na Biblioteca...
Como podedes ver, xa empezaron a aparecer por aquí hoxe algúns curiosos e curiosas.